Házirgi waqitta SSSR dáwirinen qalgan mektep hám universitetlerde formanı tekseriw bar. Bul nárseni házirgi jaslar, sonıń ishinde men de sonday oylar edim: Formanı oqıwǵa hesh qanday baylanısı joq, mektep hám universitetlerde forma ornına itibardı oqıwǵa qaratıw jaqsı. Evropa mámleketlerinde formasiz , yagniy arnawlı universitet hám mektepler ushin forma engizilmegen. Ózbekstanda bul tek ǵana aqmaqliqtay kórinetuǵın edi. Biraq oylanıp kórip, túsinip aldım.Ózbekstan jámiyeti menen Evropa xalqınıń jámiyeti parıqlanadı, yaǵnıy Evropada bunday imkaniyat beriliwi, ol jerdegi jaslardıń kópshiligi bilimi tusinigi bizlerdin jámiyetimizden (kopshikten) ústin, sol sebepli olarǵa erkinlik berilgeni menen olar oqıw ornına ashıq kiyim kiymesten yamasa kafe, restoranlarǵa baratuǵın kiyim kiymesten ozlerine qolaylı hám estetikanı saqlap kiyip baradı.Bizde bunday imkaniyat beriletuǵın bolsa, yaǵnıy oqiw orınlarına qálegen kiyimde barıw múmkin bolsa, boyaniwdi normadan asırıp jiberetuǵın qızlar hám tolıq kósheniń kiyiminde yamasa shorti maykasında, ásirese qızlarımız ashıq kiyimler kiyip kiyatırǵanın kóretuǵınımız anıq. Bul hámmede bolmawi múmkin, biraq universitet, institut hám mektep orınlarında tek ǵana kelip ketetuǵın oqıwshılar az emes, kóp dep te aytıw múmkin.Usılardı esapqa alatuǵın bolsaq joqarıda aytıp ótilgen mashqalalar kelip shıǵıwı anıq. Ne ushın qız balalardı bunday sınga alip atırsan deseniz , Ózbekstan hám Qaraqalpaqstan xalıqları aldınnan qısımlarda hám sheklewlerde jasap kelgen, ásirese qız balalardıń ádep-ikramlılıǵına jeke shaxs tárepinen yaǵnıy máhálle, tuwısqan tuwis tárepinen basım úlken bolǵan.Bul nárselerdin aqıbetleri hár bir qızǵa anıq túsindirilip berilmegen, ápiwayı gana isleme dep úyretilgen, bul jaslar mektepke, universitet institutlarına oqıwǵa barsa, ol jerde bunday imkaniyat berilse, yaǵnıy qálegen kiyimdi kiyip keliw múmkin dep aytılsa, bul adamdı qay jerde toqtaw kerekligin bilmeytuǵın dárejede kamfortliqqa alıp keledi hám bunday erkinlikti aldın kórmegennen keyin álbette jaqtırip qaladi.Bul ózine unay bergennen keyin ózin kanfort zonasına kirgennen keyin basqalardı tıńlawdı toqtaytadı hám ózine uqsaytuǵın átirapındaǵı adamlar menen doslasıp, usı nárselerdiń natuwrı ekenligin ózi túsinip jetpegenshe dawam ete beredi. Bul tema boyınsha kóp nárselerdi aytıwımız múmkin hám bul maqaladıń dawamı albette boladı.Bunday nadurıs háreketlerge túsip qalmaw ushın hár qanday maǵlıwmattı ózińiz ǵárezsiz maqalalardan hám bir derekten emes, kerisinshe basqa qarama-qarsı pikirdegi dereklerden alıp analiz etip, ózińizge durıs pikirdi alıń.